„m²“-მა ჭავჭავაძის გამზირზე ახალი კომპლექსი და სკვერი გახსნა | Georgia Business Finder
Radius: Off
Radius:
km Set radius for geolocation
Search

„m²“-მა ჭავჭავაძის გამზირზე ახალი კომპლექსი და სკვერი გახსნა

„m²“-მა ჭავჭავაძის გამზირზე ახალი კომპლექსი და სკვერი გახსნა
Business News

კომპანიამ „m² უძრავი ქონება“ ჭავჭავაძის გამზირზე (#50), ახალ საცხოვრებელ კომპლექსთან – „m² ჭავჭავაძეზე“ ერთად სკვერი გახსნა, რომელიც ყველასთვის ხელმისაწვდომი იქნება. საზეიმო გახსნა, წინასაახალწლო განწყობით, 26 დეკემბერს 19:00 საათზე გაიმართა. ღონისძიებას დაესწრნენ კომპლექსის მობინადრეები, ადგილობრივი მუნიციპალიტეტის წარმომადგენლები და მედია.

„m²“-ის ახალი საცხოვრებელი კომპლექსის „m² ჭავჭავაძეზე“ მშენებლობა 2016 წლის ბოლოს დაიწყო და 2018 წლის ბოლოს დასრულდა. პროექტს გამოარჩევს მისი მოსახერხებელი და მიმზიდველი მდებარეობა. უსაფრთხოების მიზნით, კომპლექსი აღჭურვილია საერთაშორისო სტანდარტების მქონე ხანძარსაწინააღმდეგო სისტემით. კომპლექსი ენერგოეფექტურია, რაც მობინადრეებს შესაძლებლობას აძლევს, დაზოგონ კომუნალური ხარჯები. კომპლექსი სრულიად ადაპტირებულია შშმ პირებისთვის. მნიშვნელოვანია შენობის 2-დონიანი ავტოსადგომი, რომელიც ბინების რაოდენობის შესაბამისად არის დაგეგმილი. 10-სართულიან კომპლექსში ბინების 100% უკვე გაყიდულია, სადაც პირველი სართული კომერციული ფართისთვისაა გათვალისწინებული.

„m²“-ის მიერ რეაბილიტირებული სკვერი, რომელიც კომპანიის სოციალური პასუხისმგებლობის ნაწილია,

,ნებისმიერი მოქალაქისთვის ღიაა. სკვერის სრული რეაბილიტაციისთვის დაიგო ქვაფენილი, გამწვანდა და შენარჩუნდა არსებული ხეები, დამონტაჟდა სანათები და ბაღის სკამი, განთავსდა ურნები ხისა და მეტალის კონსტრუქციით. სკვერში გათვალისწინებულია საბავშვო ატრაქციონების სივრცე და ტერიტორია სრულიად ადაპტირებულია შშმ პირებისთვის. პროექტის სრული საინვესტიციო ღირებულებაა 30 მლნ ლარი, ხოლო სკვერის რეაბილიტაციისა და მოწყობის ჯამური ხარჯი 85 400 ლარს შეადგენს.

Leave a Reply

Your email address will not be published. Required fields are marked