2019 წლის იანვარში საქართველოში 305,939 ტურისტი შემოვიდა – რომელი ქვეყნის ვიზოტორები ისვენებენ ზამთრის კურორტებზე | Georgia Business Finder
Radius: Off
Radius:
km Set radius for geolocation
Search

2019 წლის იანვარში საქართველოში 305,939 ტურისტი შემოვიდა – რომელი ქვეყნის ვიზოტორები ისვენებენ ზამთრის კურორტებზე

2019 წლის იანვარში საქართველოში 305,939 ტურისტი შემოვიდა – რომელი ქვეყნის ვიზოტორები ისვენებენ ზამთრის კურორტებზე
Business News Tourist News

2019 წლის იანვარში საქართველოში ტურისტული ვიზიტების რაოდენობამ 305,939 შეადგინა, რაც 17,061-ით მეტია 2018 წლის იანვრის მაჩვენებელზე (ზრდა +5.9%).

ზამთრის ტურიზმთან დაკავშირებით “კომერსანტმა“ ინფორმაცია ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციიდან გამოითხოვა.

სააგენტოს მიერ მოწოდებული ცნობების თანახმად, იანვარში საერთაშორისო ვიზიტების რაოდენობა მნიშვნელოვნად გაიზარდა ევროკავშირის ქვეყნებიდან: პოლონეთი +130.5%, ჩეხეთი +96%, ესპანეთი +65.1%, ლატვია +63.5%, გერმანია +46.6%, ლიეტუვა +40.8% და სხვა.

განსაკუთრებული ზრდა დაფიქსირდა შემდეგი ქვეყნებიდან: უზბეკეთი +217.1%, ისრაელი +132.1%, ყირგიზეთი +112%, ჩინეთი +72.8%, საუდის არაბეთი +72.7% და სხვა.

ასევე ტურიზმის ეროვნული ადმინისტრაციის მიერ მოწოდებული ინფორმაციით, წინასწარი მონაცემებით 2018 წელს შემოსავალი უცხოური ტურიზმიდან საქართველოში შეადგენს 3,2 მილიარდი დოლარს (ზრდა +18.4%), რაც 498 მილიონით მეტია წინა წლის ანალოგიურ მაჩვენებელზე.

2018 წლის I-III კვარტლის მდგომარეობით შემოსავალი უცხოური ტურიზმიდან საქართველოში შეადგენს 2,571 მილიონ დოლარს (ზრდა +20.5%), რაც437 მილიონით მეტია წინა წლის ანალოგიურ მაჩვენებელზე.

2017 წლის ჯამური მონაცემებით შემოსავალი უცხოური ტურიზმიდან საქართველოში შეადგენდა 2.7მილიარდ (2,704,339,872)დოლარს (ზრდა +28.1%), რაც 594 მილიონი დოლარით მეტია წინა წლის ანალოგიურ მაჩვენებელზე.

ტურიზმის წილი მთლიან შიდა პროდუქტში 2018 წლის I-III კვარტლის მონაცემებით შეადგენს 7.6%-ს. ზრდა წინა წელთან შედარებით +19%-ია.

2017 წლის ჯამური მონაცემებით წილმა მთლიან შიდა პროდუქტში 6.8% შეადგინა. ზრდა წინა წლის ანალოგიურ პერიოდთან შედარებით +11.5%.

Leave a Reply

Your email address will not be published. Required fields are marked