ფულადი გზავნილების მიხედვით რუსეთი კვლავ ლიდერია | Georgia Business Finder
Radius: Off
Radius:
km Set radius for geolocation
Search

ფულადი გზავნილების მიხედვით რუსეთი კვლავ ლიდერია

ფულადი გზავნილების მიხედვით რუსეთი კვლავ ლიდერია
Business News

სწრაფი ფულადი გზავნილების მიხედვით რუსეთი ლიდერობას არ თმობს. გასულიწლების ანალოგიურად როგორც საქართველოში გადმორიცხვების, ისე ქვეყნიდანგადარციხვების მიხედვით რუსეთი პოზიციებს არ კარგავს. სისტემების მიხედვითგადმორიცხული თანხის 19,2% რუსულ Zolotaia Koronaზე მოდის.

2019 წლის იანვარში ქვეყანაში შემოსული ფულადი გზავნილების ნაკადების მოცულობამ 115.7 მლნ აშშ დოლარი (308.4 მლნ ლარი) შეადგინა, რაც 5.1 პროცენტით (5.6 მლნ აშშ დოლარით) მეტია 2018 წლის იანვრის ანალოგიურ მაჩვენებელზე.

საქართველოს ეროვნული ბანკის ვებგვერდზე გამოქვეყნებული ინფორმაციის თანახმად, უცხოეთიდან საქართველოში ფულადი გზავნილების 92.0 პროცენტი იმ 15 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ იანვარში 1 მლნ აშშ დოლარს გადააჭარბა. იმავე 15 ქვეყანაზე გასული წლის იანვარში ფულადი გზავნილების 92.3 პროცენტი მოდიოდა. რაც შეეხება ხუთეულს, 2019 წლის იანვარში ყველაზე მეტი თანხა _ 25,59 მლნ დოლარი _ რუსეთიდან გადმოირიცხა, 17,53 მლნ დოლარით მეორე ადგილზეა იტალია, 13,37 მლნ დოლარით მესამე ადგილზეა საბერძნეთი. მეოთხე და მეხუთე ადგილებს 12,33-12,30 მლნ დოლარით ისრაელი და ამერიკა ინაწილებენ.

2019 წლის იანვარში საქართველოდან საზღვარგარეთ 15.5 მლნ აშშ დოლარი (41.3 მლნ ლარი) გაიგზავნა, ნაცვლად 15.0 მლნ აშშ დოლარისა (38.2 მლნ ლარისა) 2018 წლის იანვარში. სწრაფი ფულადი გზავნილების ბაზარზე 20-მდე საფინანსო სისტემა მოქმედებს, მათი უმრავლესობა ბანკებში და მიკროსაფინანსო ორგანიზაციებშია ინტეგრირებული. ფულადი გზავნილების მთლიან ბრუნვაში ბაზრის ლიდერია რუსული Zolotaia Korona, წელს ამ სისტემით ჩარიცხულმა გზავნილებმა მთლიანი გზავნილების 19,2% შეადგინა.

statistics

Leave a Reply

Your email address will not be published. Required fields are marked